---

ԲՋՋԱՅԻՆ ՀՐԱՏԱՐԱԿՄԱՆ ԲԵՌՆՈՒՄ www.spyur.am/mobile -ից

ԸՆԴՀԱՆՈՒՐ ՆԿԱՐԱԳԻՐԸ

---

• Բջջային հրատարակումը Հայաստանի և Լեռնային Ղարաբաղի կազմակերպությունների տվյալների շտեմարան պարունակող ծրագիր է՝ նախատեսված բջջային հեռախոսների համար
• Բջջային հրատարակումը եռալեզու է (հայերեն, ռուսերեն, անգլերեն)
• Բջջային հրատարակումն իրականացված է 2 տարբերակով.
  • սեղմ (short version)՝ 3100 կազմակերպություն
  • ամբողջական (full version)՝ 8400 կազմակերպություն և պետական կառույց
• Բջջային հրատարակումն ունի որոնման հնարավորություն՝ կազմակերպության անվանումով
• Բջջային հրատարակումը հնարավորություն է տալիս ուղղակիորեն զանգահարելու ընտրված կազմակերպություն
• Բջջային հրատարակման ծրագիրը զբաղեցնում է շատ փոքր տարածք հեռախոսի հիշողության մեջ (մինչև 400 կԲ)
• Բջջային հրատարակումը թողարկվում է տարեկան 3 անգամ՝ «Սփյուռի» տեղեկագրքի և CD-հրատարակման թողարկմանը զուգընթաց

ԾՐԱԳՐԻ ԲԱԺԻՆՆԵՐԸ ԵՎ ԿՈՃԱԿՆԵՐԸ

---

(ծրագրի բաժինները կարելի է տեսնել հեռախոսի "Options" ("Функции") կոճակը սեղմելով)

Որոնում (Search/Поиск)

• Հնարավորություն է տալիս իրականացնելու կազմակերպությունների որոնում անվանումով: Դրա համար անհրաժեշտ է մուտքագրել կազմակերպության անվանման որևէ բառի սկզբնատառերը (քանի որ որոնումն իրականացվում է բառերի սկզբնատառերով) և սեղմել «Որոնել» ("Go"/"Найти") կոճակը
  Մուտքագրումն անհրաժեշտ է կատարել այն լեզվով, որով ներկայացված են տեղեկությունները:
  Որոնման համար անհրաժեշտ է մուտքագրել առնվազն 2 տառ:
  Քանի որ կազմակերպությունների անվանումները ծրագրում ներկայացված են մեծատառերով, խորհուրդ է տրվում որոնումն իրականացնել միայն մեծատառերով:
Որոնման արդյունք (Search result / Результат поиска)

• Ներկայացնում է որոնման պահանջին բավարարող կազմակերպությունների ցանկը (կազմակերպությունների անվանումները): Եթե ցանկում ներկայացված կազմակերպությունների քանակը գերազանցում է 10-ը, ապա ցանկը ներկայացվում է էջերով, որոնցից յուրաքանչյուրում ներկայացվում է 10 կազմակերպություն: Յուրաքանչյուր էջի վերնամասում նշվում է ընթացիկ էջի համարը և էջերի ընդհանուր քանակը: Էջից էջ անցումն իրականացվում է հետևյալ կոճակների միջոցով, որոնք առաջանում են հեռախոսի "Options" ("Функции") կոճակը սեղմելիս.

  Կոճակի անվանումը	Գործողությունը
  Հաջորդ էջ	Անցում հաջորդ էջին
  Նախորդ էջ	Անցում նախորդ էջին
  Առաջին էջ	Անցում առաջին էջին
  Վերջին էջ	Անցում վերջին էջին

  Կազմակերպության տվյալները (անվանում, հեռախոսահամար) դիտելու համար անհրաժեշտ է ցանկից ընտրել կազմակերպությունը և սեղմել «Դիտում» կոճակը:
Դիտում (View/Просмотр)

• Ներկայացվում են ընտրված կազմակերպության տվյալները.
  
  • կազմակերպության անվանում
    
  • հեռախոսահամար
    
• Ներկայացված հեռախոսահամարին զանգ կատարելու համար անհրաժեշտ է սեղմել «Զանգ» կոճակը:
Զանգ (Call/Звонок)

• Հնարավորություն է տալիս ուղղակիորեն զանգահարելու ընտրված կազմակերպություն:
Լեզու (Language/Язык)

• Հնարավորություն է տալիս փոխելու ծրագրի լեզուն: Լեզվի ընտրությունից հետո անհրաժեշտ է վերաբեռնավորել ծրագիրը:
Գովազդատուներ (Advertisers/Рекламодатели)

• Ներկայացված են տվյալ թողարկման գովազդատուները (5 կազմակերպություն): Ծրագիրն աշխատացնելիս, որպես մեկնարկային էջ, բացվում է այս բաժինը:
Թողարկման մասին (About release / О выпуске)

• Ներկայացված են տեղեկություններ ընթացիկ թողարկման մասին:
Օգնություն (Help/Помощь)

• Ներկայացված են խորհուրդներ ծրագրից օգտվելու վերաբերյալ:
Ելք (Exit/Выйти)

• Հնարավորություն է տալիս դուրս գալու ծրագրից:

ԲՋՋԱՅԻՆ ՀԵՌԱԽՈՍԻՆ ՆԵՐԿԱՅԱՑՎՈՂ ՆՎԱԶԱԳՈՒՅՆ ՊԱՀԱՆՋՆԵՐԸ

---

• Java-ծրագրերի (MIDP 2.0) գործարկման հնարավորություն
• հիշողության ազատ տարածք. 220 կԲ՝ սեղմ տարբերակի համար, 400 կԲ՝ ամբողջական տարբերակի համար

ԸՆԹԱՑԻԿ ԹՈՂԱՐԿՄԱՆ ՄԱՍԻՆ

---

Թողարկման համարը. 2010/A
Թողարկման ամիսը. 2011.07

ԾՐԱԳՐԻ ԲԵՌՆՈՒՄ ԵՎ ՏԵՂԱԴՐՈՒՄ

---

Ծրագրի բեռնում և տեղադրում՝ հեռախոսով
• հեռախոսով մուտք գործել Ինտերնետ
• հավաքել www.spyur.am/mobile վեբ-հասցեն
• սեղմել «Download to mobile phone» վերնագրի տակ գտնվող «Short version» կամ «Full version» կոճակը
  
  Ծրագիրը «Spyur_YellowPages» կամ «Spyur_YellowPages_F» անունով ավտոմատ տեղադրվում է հեռախոսի համապատասխան բաժնում (օրինակ՝ Applications (Приложения), Gallery (Галерея), Games (Игры)):

Ծրագրի բեռնում և տեղադրում՝ համակարգչով
• համակարգչով մուտք գործել Ինտերնետ
• հավաքել www.spyur.am/mobile վեբ-հասցեն
• սեղմել «Download to computer» վերնագրի տակ գտնվող «Short version» կամ «Full version» կոճակը
• ապաարխիվացնել (unzip) համակարգիչ տեղափոխված zip ձևաչափով ֆայլը
• ապաարխիվացման արդյունքում ստացված jar և jad ֆայլերը լարի կամ անլար կապի (Bluetooth) միջոցով տեղափոխել հեռախոս
  Ֆայլերը տեղափոխելուց հետո կատարել ծրագրի տեղադրում հեռախոսի համապատասխան բաժնում (օրինակ՝ Applications (Приложения), Gallery (Галерея), Games (Игры)) «Spyur_YellowPages» կամ «Spyur_YellowPages_F» անունով:

ԻՆՉՊԵՍ ԿԱՐԵԼԻ Է ՁԵՌՔ ԲԵՐԵԼ ԿԱՄ ԻՆՉՊԵՍ Է ՏԱՐԱԾՎՈՒՄ ԲՋՋԱՅԻՆ ՀՐԱՏԱՐԱԿՈՒՄԸ

---

Կարելի է անվճար բեռնել «Սփյուռի» վեբ-կայքից (www.spyur.am/mobile)

Անվճար տրամադրվում է CD-հրատարակման հետ մեկտեղ (ներառված է նույն խտասկավառակում)

• «Սփյուռ-ռեգիստրում» գրանցված բոլոր կազմակերպություններին՝ առաքմամբ
• «Սփյուռ-ռեգիստրում» չգրանցված կազմակերպություններին՝ նամակով «Սփյուռ» ներկայանալու դեպքում
• պետական մարմիններին և հաստատություններին
• Հայաստանում արտասահմանյան երկրների դեսպանություններին և հյուպատոսություններին
• արտասահմանում Հայաստանի դեսպանություններին և հյուպատոսություններին

ԻՆՉՊԵՍ ԿԱՐՈՂ Է ԿԱԶՄԱԿԵՐՊՈՒԹՅՈՒՆՆ ԸՆԴԳՐԿՎԵԼ ԲՋՋԱՅԻՆ ՀՐԱՏԱՐԱԿՄԱՆ ՄԵՋ

---

Հայաստանում և Լեռնային Ղարաբաղում գործող ցանկացած կազմակերպություն բջջային հրատարակման մեջ ընդգրկվելու համար պետք է գրանցվի «Սփյուռ-ռեգիստրում»։ Գրանցման համար անհրաժեշտ է լրացնել գրանցման հայտը www.spyur.am վեբ-կայքում կամ դիմել «Սփյուռ» և հրավիրել կոմերցիոն ներկայացուցչին։

ՎԻՃԱԿԱԳՐՈՒԹՅՈՒՆԸ

---

Բջջային հրատարակման տարածման վիճակագրությունը
• Խտասկավառակներով. տարեկան տարածված օրինակների քանակը` 10500
• Ինտերնետով. տարեկան բեռնումների քանակը` 18000