ԲՋՋԱՅԻՆ ՀՐԱՏԱՐԱԿՄԱՆ ԲԵՌՆՈՒՄ www.spyur.am/mobile-ից

• Բջջային հրատարակումն իրենից ներկայացնում է Java-հավելված (ծրագիր)՝ նախատեսված բջջային հեռախոսների համար
• Բջջային հրատարակման մեջ ներկայացված են տեղեկություններ Հայաստանի եւ Լեռնային Ղարաբաղի կազմակերպությունների մասին
• Բջջային հրատարակումն ունի որոնման հնարավորություն՝ կազմակերպության անվանումով
• Բջջային հրատարակումը հնարավորություն է տալիս ուղղակիորեն զանգահարել ընտրված կազմակերպություն
• Բջջային հրատարակումը եռալեզու է՝ հայերեն, ռուսերեն եւ անգլերեն
• Բջջային հրատարակումը թողարկվում է տարեկան 3 անգամ՝ «ՍՓՅՈՒՌԻ» տեղեկագրքերի եւ CD-հրատարակման թողարկումների հետ

Բջջային հրատարակումն ԱՆՎՃԱՐ Է

• հրատարակումը կարելի է բեռնել www.spyur.am/mobile հասցեից
  
• հրատարակումը տրամադրվում է «Սփյուռ-ռեգիստրում» գրանցված կազմակերպություններին՝ առաքմամբ (ներառվում է CD-հրատարակման մեջ)
  
• հրատարակումը տրամադրվում է նաեւ «Սփյուռ-ռեգիստրում» չգրանցված կազմակերպություններին (CD-ով) կամ տեղադրվում է ներկայացված հեռախոսում՝ նամակով «ՍՓՅՈՒՌ» ներկայանալու դեպքում
  

• Թողարկման համարը. 2009/E
• Թողարկման ամիսը. 2009.11
• Ներկայացված կազմակերպությունների քանակը. սեղմ տարբերակում՝ 3000 (կազմակերպություններ), ամբողջական տարբերակում՝ 8000 (կազմակերպություններ եւ պետական կառույցներ)
• Որոնման հայտանիշեր. կազմակերպությունները կարելի է որոնել անվանումով
• Կազմակերպության տվյալների ծավալը. դիտման ռեժիմում հասանելի են կազմակերպության անվանումը, հեռախոսահամարը
• Բջջային հեռախոսին ներկայացվող նվազագույն պահանջները.
  - Java-ծրագրերի (MIDP 2.0) գործարկման հնարավորություն
  - հիշողության ազատ տարածք. 200 կԲ՝ սեղմ տարբերակի համար, 400 կԲ՝ ամբողջական տարբերակի համար
  

• Ծրագրի բեռնում եւ տեղադրում՝ հեռախոսով
  - հեռախոսով մուտք գործել Ինտերնետ
  - հավաքել www.spyur.am/mobile վեբ-հասցեն
  - սեղմել «Download to mobile phone» վերնագրի տակ գտնվող «Short version» կամ «Full version» կոճակը
  Ծրագիրը «Spyur_YellowPages» կամ «Spyur_YellowPages_F» անունով ավտոմատ տեղադրվում է հեռախոսի համապատասխան բաժնում (օրինակ՝ Applications (Приложения), Gallery (Галерея), Games (Игры)):

• Ծրագրի բեռնում եւ տեղադրում՝ համակարգչով
  - համակարգչով մուտք գործել Ինտերնետ
  - հավաքել www.spyur.am/mobile վեբ-հասցեն
  - սեղմել «Download to computer» վերնագրի տակ գտնվող «Short version» կամ «Full version» կոճակը
  Համակարգիչ է տեղափոխվում SpyurYP200911.zip կամ SpyurYP200911_F.zip ֆայլը, որից ապաարխիվացման միջոցով ստացվում են SpyurYP200911.jar և SpyurYP200911.jad կամ SpyurYP200911_F.jar և SpyurYP200911_F.jad ֆայլերը: "jar" ֆորմատով ֆայլը (իսկ "Samsung" հեռախոսների դեպքում՝ նաեւ "jad" ֆորմատով ֆայլը) անհրաժեշտ է լարի կամ անլար կապի (օրինակ՝ Bluetooth) օգնությամբ տեղափոխել հեռախոս: Ֆայլերը տեղափոխելուց հետո կատարվում է ծրագրի ավտոմատ տեղադրում հեռախոսի համապատասխան բաժնում (օրինակ՝ Applications (Приложения), Gallery (Галерея), Games (Игры)) «Spyur_YellowPages» կամ «Spyur_YellowPages_F» անունով: Որոշ հեռախոսներում ֆայլերի բեռնումից հետո ոչ թե կատարվում է ծրագրի ավտոմատ տեղադրում, այլ պարզապես ֆայլը տեղափոխվում է հեռախոսի որոշակի տիրույթ (օրինակ՝ Other files (Прочие файлы), Received files (Принятые файлы)): Այս դեպքում ծրագրի տեղադրման համար անհրաժեշտ է մուտք գործել հեռախոսի այդ տիրույթը եւ ակտիվացնել "jar" ֆորմատով ֆայլը (իսկ "Samsung" հեռախոսների դեպքում՝ "jad" ֆորմատով ֆայլը):

(Բաժինների ցանկն առաջանում է "Options" ("Функции") կոճակը սեղմելիս)


• Գովազդատուներ
  Այս բաժնում ներկայացված են տվյալ թողարկման գովազդատուները (5 կազմակերպություն): Ծրագիրն աշխատացնելիս, որպես մեկնարկային էջ, բացվում է այս բաժինը:

• Որոնում
  Այս բաժնում իրականացվում է կազմակերպությունների որոնում անվանումով: Դրա համար անհրաժեշտ է մուտքագրել կազմակերպության անվանման որեւէ բառի սկզբնատառերը (քանի որ որոնումն իրականացվում է բառերի սկզբնատառերով):
  Մուտքագրումն անհրաժեշտ է կատարել այն լեզվով, որով ներկայացված են տեղեկությունները
  Որոնման համար անհրաժեշտ է մուտքագրել առնվազն 2 տառ:
  Քանի որ կազմակերպությունների անվանումները ծրագրում ներկայացված են մեծատառերով, որոշ հեռախոսներում որոնումն անհրաժեշտ է իրականացնել միայն մեծատառերով:

• Որոնման արդյունք
  Որոնման արդյունքում հայտնվում է որոնման պահանջին բավարարող կազմակերպությունների ցանկը (նշվում են կազմակերպությունների անվանումները): Եթե ցանկում ներկայացված կազմակերպությունների քանակը գերազանցում է 10-ը, ապա ցանկը ներկայացվում է էջերով, որոնցից յուրաքանչյուրում ներկայացվում է 10 կազմակերպություն: Յուրաքանչյուր էջի վերնամասում նշվում է ընթացիկ էջի համարը եւ էջերի ընդհանուր քանակը: Էջից էջ անցումն իրականացվում է հետեւյալ կոճակների միջոցով, որոնք առաջանում են "Options" ("Функции") կոճակը սեղմելիս.
  
  

  Կոճակի անվանումը	Գործողությունը
  Հաջորդ էջ	Անցում հաջորդ էջին
  Նախորդ էջ	Անցում նախորդ էջին
  Առաջին էջ	Անցում առաջին էջին
  Վերջին էջ	Անցում վերջին էջին

Կազմակերպության տվյալները (անվանում, հեռախոս) դիտելու համար անհրաժեշտ է ցանկից ընտրել կազմակերպությունը եւ սեղմել «Դիտում» կոճակը:

• Դիտում
  Այս բաժնում ներկայացվում են ընտրված կազմակերպության տվյալները.
  - կազմակերպության անվանում
  - հեռախոսահամար
  Ներկայացված հեռախոսահամարին զանգ կատարելու համար անհրաժեշտ է սեղմել «Զանգ» կոճակը: