Երբ սպորտն ապրելակերպ է
«Ինսպորտը» բազմաֆունկցիոնալ մարզական կենտրոն է, որն ունի 4 հարկ։ Այն իր մեջ ներառում է ջրի մաքրման քառաստիճան ֆիլտրման համակարգով լողավազան, ուժային և կարդիոմարզումների սրահներ՝ նախատեսված ուժային պարապմունքների համար, ինչպես նաև 2 խմբային մարզումների, մանկական և մարտարվեստների սրահներ։ Մարզասրահները հագեցած են նորագույն մարզագույքով ու սարքավորումներով: Կենտրոնում գործում են ֆիննական և արևելյան շոգեբաղնիքներ և սպա-կենտրոն, որտեղ մատուցվում են առողջարանային ծառայություններ: Բացի երեխաների համար նախատեսված մարզումների սրահից, կենտրոնում գործում է նաև խաղասենյակ՝ նախատեսված ավելի փոքր տարիքի երեխաների համար, որոնք 2 ժամ անվճար կարող են մնալ խաղասենյակում, մինչև ծնողները կմարզվեն մեր համալիրում։ Կենտրոնի առաջին հարկում գործում է սպորտային խանութ-սրահ։ Կենտրոնում գործում է նաև սրճարան, որն ամենահարմարավետ անկյունն է մարզումներից հետո կորցրած էներգիան վերականգնելու համար։