Գրասենյակի գործունեությունն իրավապաշտպան գործունեություն է, որի հիմնական նպատակը վստահորդին (պատվիրատուին) իրավաբանական օգնություն ցույց տալն է՝ ելնելով վերջինիս լավագույն շահերից և խստորեն հետամուտ լինելով այն իրավունքների, արտոնությունների և շահերի վերականգնմանը կամ պաշտպանությանը, որոնց իրականացումը վստահվել է մեզ։
Այստեղ Ձեր գործը գտնվում է գրասենյակի փաստաբանական թիմի բարձր հոգածության և իրավական պաշտպանության ներքո՝ առնվազն 2 փաստաբանի անհատական սպասարկման տիրույթում։
«ՍԵՆԻՈՐՍ ՍՓԻՉ» փաստաբանական թիմը երաշխավորում է մատուցվող ծառայությունների պրոֆեսիոնալիզմը, պատշաճ ջանասիրությունը, արդյունավետությունը, հուսալիությունը, ձեռնհասությունը, կայունությունը, գաղտնիությունը և օպերատիվությունը։ Նշված սկզբունքները նաև գրասենյակի թիմի մասնագիտական պարտականություններն են։
Գրասենյակն աշխատում է արդյունավետ և պարզ համագործակցային միջավայրում, որում հաճախորդը կանոնավորապես տեղեկացված է հանձնարարության կատարման ընթացքի և գործի ցանկացած շարժի մասին՝ առանց անհանգստանալու կամ ծանրաբեռնվելու դրանց լուծմանն ուղղված գործողություններով, որոնց պատշաճ, որակյալ և ժամանակին կատարումը գտնվում են գրասենյակի թիմի իրավասության ներքո։