ՊՐՈՖԵՍԻՈՆԱԼ ՍՊՈՐՏԱՅԻՆ ՀՈԲԲԻ ԿԱՄ ԺԱՄԱՆՑ ԱՆՑԿԱՑՆԵԼՈՒ ՎԱՅՐ ՀԱՅԱՍՏԱՆՈՒՄ ԵՎ ՍԵՎԱՆԱ ԼՃՈՒՄ
Հավաստագրված նավապետներ, բոլորովին նոր J/70 մոդելի առագաստանավեր (նավավարման հմտություններ անհրաժեշտ չեն), հետաքրքիր ժամանցի բոլորովին նոր ձև և պրոֆեսիոնալ սպորտի նոր ուղղություն Հայաստանում, Սևանա լիճը բացարձակապես այլ կերպ ճանաչելու հնարավորություն, Հայաստանի նոր զբոսաշրջային ուղղություն, կորպորատիվ միջոցառումների անցկացման հնարավորություն, առագաստանավային սպորտի միջազգային առաջնությունների կազմակերպում Հայաստանում։
Սիրով ուզում ենք տեղեկացնել, որ այսուհետ Սևանա լճի ավազանում գործում է «Winds Of Armenia»-ն՝ առաջին պրոֆեսիոնալ առագաստանավային ակումբը Հայաստանում։ Ակումբը ստեղծվել է Հայաստանում՝ առագաստանավային սպորտը զարգացնելու և հայաստանաբնակներին ու ժամանած հյուրերին այլընտրանքային հանգիստ առաջարկելու նպատակով։
Մեր նավատեսակը J/70 մոդելն է, որն էրգոնոմիկայի տեսակետից լավագույնն է աշխարհում։ Այս առագաստանավերն արտադրվել են Ֆրանսիայում և անմիջապես ժամանել Սևանա լիճ՝ մեր ակումբի հյուրերին առագաստանավային սպորտում աշխարհի լավագույն փորձը փոխանցելու նպատակով։ Մեր նավապետները սպորտի վարպետներ են և հավաստագրված մասնագետներ։
Սիրով սպասում ենք Ձեզ Սևանա լճի ավազանում՝ նոր հույզեր, հմտություններ և ընկերներ ձեռք բերելու հնարավորություն ընձեռելու նպատակով։