ԳՈՀԱՐ մշակութային բարեգործական հասարակական կազմակերպություն (ՀԿ)

ԳՈՀԱՐ երաժշտանոց, սիմֆոնիկ նվագախումբ, երգչախումբ և պարախումբ։
Լիբանանահայ բարերար Գոհար Խաչատուրեանի և որդիների՝ Յարութ, Շահէ ու Նար Խաչատուրեանների նախաձեռնությամբ, 1999-ին Գյումրիում հիմնադրվել է ԳՈՀԱՐ մշակութային համալիրը՝ 1988-ի երկրաշարժից հետո Գյումրու մշակութային կյանքը սատարելու և աշխատատեղեր ստեղծելու նպատակով։
Համալիրի կազմում գործում է ԳՈՀԱՐ երաժշտանոցը, որտեղ 100-ից ավելի սաներ ստանում են անվճար երաժշտական կրթություն: Սաներից շատերն այսօր որպես երաժիշտներ և երգիչներ հանդես են գալիս ԳՈՀԱՐ սիմֆոնիկ նվագախմբի և երգչախմբի կազմում:
2000-ին հիմնադրվել է ԳՈՀԱՐ սիմֆոնիկ նվագախումբը և երգչախումբը (կազմում՝ թվով 150 երաժիշտներ, երգիչներ, մեներգիչներ, պարուհիներ):
2000-2014 թթ. գեղարվեստական ղեկավարն ու գլխավոր դիրիժորն էր Սեպուհ Աբգարեանը, 2014-ից՝ գեղարվեստական ղեկավարը՝ Գրիգոր Կուզիկյանը, գլխավոր դիրիժորը՝ Նատալի Գալստյանը։ Համերգներով հանդես է եկել Կիպրոսում (2002), Լիբանանում (2002, 2010, 2015), Թուրքիայում (2005), Ռուսաստանում (2006), ԱՄՆ-ում (2007), Կանադայում (2007), Սիրիայում (2009), Ուրուգվայում, Արգենտինայում, Բրազիլիայում (2012) և համերգներից ստացված ամբողջ հասույթը տրամադրել տվյալ երկրի հայկական կրթօջախներին: ԳՈՀԱՐ-ի ելույթներից անմոռանալի և տպավորիչ էր Երևանի Ազատության հրապարակում երևանյան հանդիսատեսի համար կազմակերպված համերգը (2011, մայիսի 28)՝ Հայաստանի հայտնի երգիչների մասնակցությամբ, եռաչափ արտապատկերման տպավորիչ ներկայացմամբ։
Երգացանկում ընդգրկված են բոլոր ժամանակների սիրված հայկական երգեր, որոնք ներկայացվում են նորովի և ուրույն մեկնաբանությամբ։ ԳՈՀԱՐ-ը թողարկել է փոխազդեցիկ (interactive) խտասկավառակներ և Blu-ray տեսաերիզներ՝ երգերի հայատառ և լատինատառ ենթագրերով, որոնք հնարավորություն են տալիս հայերենին չտիրապետող հային ձայնակցելու և հայերեն սովորելու:
ԳՈՀԱՐ-ի ուղին «Այբ, Բեն, Գիմ»-ն է: Հայապահպան առաքելությամբ ԳՈՀԱՐ-ը սատարում է հայ դպրությանը և Կիլիկիո դրոշի ծածանումով խորհրդանշում հայ ժողովրդի պատմական անցյալի փառապանծ էջերը:
Լիբանանահայ Խաչատուրեան ընտանիքի նախաձեռնությամբ 2012-ին Բեյրութում բացվել է բոլոր ժամանակների հայկական երգարանների, բառարանների և երաժշտական ձեռնարկների՝ նախատիպը չունեցող ԳՈՀԱՐ գրադարանը:
Հայկական արվեստում ունեցած մեծ ավանդի և հայանպաստ գործունեության համար Գոհար Խաչատուրեանն արժանացել է «Գյումրու պատվավոր քաղաքացի» կոչման (2002), Հայ եկեղեցու «Սուրբ Ներսես Շնորհալի» (2005), Մեծի Տանն Կիլիկիո կաթողիկոսության «Սուրբ Մեսրոպ Մաշտոց» (2015) շքանշանների, ՀՀ «Մովսես Խորենացի» մեդալի (2009), Հռոմի Ֆրանցիսկոս պապի առաքելական օրհնագրի (2016):
Կոնտակտային տվյալներ
  • Ղեկավար
  • Գրիգոր Կուզիկյան, նախագահ
    Տիգրան Հովհաննիսյան, փոխնախագահ
  • Հասցե, հեռախոս
  • Հայաստան, 3103, Շիրակի մարզ, Գյումրի
    Գարեգին Նժդեհի փող., 1/5 շենք
    • գրասենյակ` +374-312-35594
    • փոխնախագահ` +374-312-32625
    • հաշվապահություն` +374-312-35593
    • գրադարան` +374-312-32625
  • Էլ. փոստ
  • ուղարկել նամակ
  • Տվյալ էջի կարճ հասցեն
  • Spyur.am/kohar



  • Խնդրում ենք կազմակերպության հետ կապվելիս նշել «Սփյուռը» որպես տեղեկությունների աղբյուր: Խնդրում ենք նաև հայտնել տեղեկություններում հայտնաբերված անճշտության մասին` զանգահարելով 113 համարին:
 
Գործունեություն
Այլ տվյալներ
  • Տեղեկությունների թարմացման ամսաթիվ
  • 22.07.2019
  • Որոշ բանալի բառեր 
  • «ԳՈՀԱՐ» ԿՐԹԱՄՇԱԿՈՒԹԱՅԻՆ ԲԱՐԵԳՈՐԾԱԿԱՆ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆ
  • | Ուսուցում երաժշտության սոցիալապես անապահով ընտանիքների երեխաների երեխայի մանկական
  • | ԵՐԱԺՇՏԱԿԱՆ ԴՊՐՈՑՆԵՐ դպրոց
  • | ՀԱՍԱՐԱԿԱԿԱՆ ՀԻՄՆԱԴՐԱՄՆԵՐ հիմնադրամ
  • | ՍՏԵՂԾԱԳՈՐԾԱԿԱՆ ԿՈԼԵԿՏԻՎՆԵՐ կոլեկտիվ
  • ԵՐԱԺՇՏԱԿԱՆ ԿՈԼԵԿՏԻՎՆԵՐ (ՀԱՄՈՒՅԹՆԵՐ/ԱՆՍԱՄԲԼՆԵՐ)
  • ՆՎԱԳԱԽՄԲԵՐ
  • ՊԱՐԱՅԻՆ ԿՈԼԵԿՏԻՎՆԵՐ (ՀԱՄՈՒՅԹՆԵՐ/ԱՆՍԱՄԲԼՆԵՐ)
  • ՍՏԵՂԾԱԳՈՐԾԱԿԱՆ ԿՈԼԵԿՏԻՎՆԵՐ
  • ԵՐԱԺՇՏԱԿԱՆ ԿՈԼԵԿՏԻՎ (ՀԱՄՈՒՅԹ/ԱՆՍԱՄԲԼ)
  • ՆՎԱԳԱԽՈՒՄԲ
  • ՊԱՐԱՅԻՆ ԿՈԼԵԿՏԻՎ (ՀԱՄՈՒՅԹ/ԱՆՍԱՄԲԼ)
  • STEXCAGORCAKAN KOLEKTIV
  • ԵՐԱԺՇՏԱԿԱՆ ԴՊՐՈՑՆԵՐ
  • ERAJSHTAKAN DPROC
  • HASARAKAKAN HIMNADRAMNER
  • ՀԱՍԱՐԱԿԱԿԱՆ ՀԻՄՆԱԴՐԱՄՆԵՐ
  • GOHAR
  • 300
  • T0
  • 3000
Բեռնել հայերեն Unicode ստեղնաշարը և տառատեսակը