«Սիս-Ալպ» ընկերությունն իր գործունեությունը սկսել է 2008 թվականին Սյունիքի մարզի Սիսիան քաղաքում: Ընկերության արտադրանքը պատրաստվում է Սիսիանի ալպիական մարգագետիններում արածող կովերի կաթով: Գործարանը հագեցած է ժամանակակից նորագույն սարքավորումներով, կաթի և պատրաստի արտադրանքի որակի ստուգման լաբորատորիաներով, ջերմային ռեժիմները հստակ պահպանող պահեստային տարածքներով և այլ օժանդակ կառույցներով, որոնք համապատասխանում են սանիտարական նորմերին և միջազգային չափանիշներին: Ընկերությունում աշխատում են արհեստավարժ մասնագետներ, որոնք պարբերաբար վերապատրաստվում են:
2017 թվականին ընկերությունում ներդրվել է ISO 22000:2005 որակի կառավարման համակարգը: